Lorik Cana ka zbuluar se Granit Xhaka e kishte telefonuar atë ku i ka thënë se kishte dëshirë që të luante për Kombëtaren e Shqipërisë

Kapiteni legjendar i Shqipërisë në një intervistë për mediumin francez “So Foot” ka treguar shumëçka rreth karrierës së tij, transmeton Reporteri.net

Cana gjithashtu ka treguar se Granit Xhaka e kishte telefonuar atë dhe i kishte thënë se dëshiron të luajë për Shqipërinë, por kjo mbeti vetëm dëshirë pasi FIFA nuk lejonte që ai të ndërronte Kombëtare.

“Sigurisht. Ishte rasti i vëllezërve Xhaka. Më kujtohet që vëllai i vogël, Graniti, i cili luan për Arsenalin, më telefonoi pasi dëshironte të luante në ekipin kombëtar. Në atë kohë, FIFA nuk jepte leje pasi nuk kishte pasaportën shqiptare. Një nga lojtarët e parë që luajti për Shqipërinë pasi luajti për të rinjtë e Zvicrës ishte Basha, i cili luajti për shumë vite në Serinë A, përfshirë me skuadra si Torino”, ka thënë Cana kur u pyet se a është përfshirë në thirrjet për t’iu bashkuar Shqipërisë./Reporteri.net/