Patrik Schick ka thënë se Çekia udhëton për në Prishtinë për të fituar pikët e plota nga takimi kundër Kosovës

Kosova është nikoqire e Çekisë më 7 shtator në ndeshjen e vlefshme për kualifikimet e Euro 2020, shkruan Reporteri.net

Kosova dhe Çekia janë pretendent për vendin e dytë që siguron biletën për Kampionat Evropian.

Sulmuesi kryesor i Çekisë, Patrik Schick thotë se Kombëtarja e tij nuk e nënvlerëson Kosovën, por se në Prishtinë vijnë vetëm me një synim, që t’i marrin pikët e plota.

“Nëse i fitojmë të dyja ndeshjet, do të jemi shumë afër për ta siguruar vendin e dytë. Ne do të përgatitemi për ta dhënë më të mirën nga vetja. Ne nuk do ta nënvlerësojmë askënd. Gjashtë pikë nga këto dy ndeshje (ndaj Kosovës e Malit të Zi) janë synimi ynë” ka thënë Schick./Reporteri.net/