Mërgim Vojvoda dje luajti për herë të parë në Ligën e Evropës me Standard Liege që fitoi 2-0 në shtëpi ndaj Guimares

Standard Liege e mposhti skuadrën portueze Guaimares 2-0 në kuadër të fazës së grupeve të Ligës së Evropës, shkruan Reporteri.net

Mërgim Vojvoda ishte i plotë në këtë takim derisa edhe më meritori në golin e parë të skuadrës belge.

Goli i parë i Standardit erdhi pas harkimit të mbrojtësit të Kosovës, duke e detyruar kundërshtarin ta dërgojë topin në portën e gabuar.

Përveç se detyroi kundërshtarin të shënojë autogol drenicaku u ndëshkua edhe me karton të verdhë në minutën e 75-të.

Ndërsa sot Vojvoda ka reaguar në Facebook ku ka treguar se është shumë i lumtur për fitoren e arritur nga skuadra e tij.

“Çfarë ndjenje për ndeshjen tonë të parë në UEFA Europa League, Standard de Liege. Faleminderit tifozëve për mbështetjen”, ka shkruar Vojvoda. /Reporteri.net/