Lille i Edon Zhegrovës u përball dje me Paris Saint-Germainin në ndeshjen më drithëruese të kësaj jave në Ligue 1.

Parisienët fituan në fund me rezultat 4:3 duke përmbysur gjithçka në minutat e fundit falë golave të Kylian Mbappe e Lionel Messi, shkruan “Gazeta Express”.

Por, para lojës, në ngrohje e sipër, ylli kosovar ishte protagonist me disa veprime ekzibicionale, duke i zbavitur tifozët në “Parkun e Princave” me “magjinë e tij” para përballjes me Messin me shokë.

https://streamable.com/w5xglf

Fatkeqësisht, përfaqësuesit kosovar nuk iu dha mundësia të luante ndaj parisienëve, ndonëse kohëve të fundit po gëzon formë të mirë, shkruan “Gazeta Express”.

Futbollisti ofanziv i krahut i ka zhvilluar 13 ndeshje në kampionatin francez këtë edicion duke e realizuar një gol dhe ndërkohë i ka edhe tri asistime.

Në Kupën e Francës ai i ka tri lojë dhe një gol.