Performanca e Paul Pogbas mund të jetë vendimtare në mos/kualifikimin e Unitedit në gjysmëfinale. Ai poashtu mund të jetë sot vendimtar në vendimin e Real Madridit, nëse do të hyjnë me të gjitha forcat për transferimin e tij apo do të shikojnë dikund tjetër.

Nuk ka asnjë dilemë tashmë se Pogba dëshiron transferimin në Real Madrid. Ai kishte filluar ta mësoj gjuhën spanjolle disa sezone më parë me shokun e Kombëtares së Francës, Antoine Griezmann, shkruan Reporteri.net

Poashtu, nuk ka asnjë dyshim se Pogba tani ka dikënd në Real Madrid që e dëshiron transferimin e tij në ‘Santiago Bernabeu’. Zinedine Zidane nuk e ka fshehur admirimin e tij për francezin duke folur publikisht për të.

Zidane sot do ta shikoj nga afër ndeshjen Barcelona – Manchester United, për të japur vendimin final nëse do të përpjeken për transferimin e tij në ‘Bernabeu’.

Një gjë është e sigurtë, në Real Madrid do të ketë revolucion këtë verë, duke parë që skuadra ka performuar dobët këtë sezon./Reporteri.net/