Zinedine Zidane i është përgjigjur me mllef pyetjes së një gazetari për mënyrën sesi ai u largua nga posti i trajnerit të Real Madridit pas përfundimit të sezonit të fundit.

I bezdisur nga pyetja e gazetarit Sergio Quirante nga gazeta Gol, Zidane shkoi aq larg saqë e quajti të turpshme punën e gazetarit, transmeton Gazeta Express.

“Si jeni, trajner? Si po shkon gjithçka? A u largove nga Real Madridi në mënyrë të keqe, në bazë të letrës (që shkrove)?” e pyeti Zidanin Quirante.

Zidane iu përgjigj: “A prapë po ma bëni pyetjen e njëjtë budallaqe si më parë?”

“Jo, thjesht pyeta shkaku i letrës”, ia ktheu Quirante.

“Po, për këtë arsye. A do të ma bësh të njëjtën pyetje? Puna juaj është e turpshme”, i reagoi Zidane.

“Nuk do t’ju bëj më pyetje. Unë thjesht doja…” shtoi gazetari.

Francezi e ndërpreu dhe i tha: “Unë ju njoh juve dhe ju më njihni mua. Por ju… eja këtu. Mos xhironi. Eja këtu, eja këtu fol me mua.”

Quirante i kërkoi kameramanit të vet të mos xhirojë më: “Richi, mos xhironi më”.

Journalist: Did you leave Real Madrid in a bad way?

Zidane: Are you still asking the same dumb questions as before? Your job is a disgrace. It’s always the same with you. I know you and you know me. Come here, let me talk to you without the cameras.pic.twitter.com/ZZpXrUDALo

— Madrid Zone (@theMadridZone) June 13, 2021