Xherdan Shaqiri pas një kohe të gjatë është rikthyer te Kombëtarja e Zvicrës

Mesfushori i Liverpoolit është ftuar nga Vladimir Petkoviq për ndeshjet e tetorit që Zvicra do t’i luajë ndaj Kroacisë, Spanjës e Gjermanisë, shkruan Reporteri.net

Në listën e Zvicrës mungon Andi Zeqiri, i cili ka bërë bujë të madhe këto ditë pasi akoma nuk dihet se për cilën Kombëtare do të luajë. Flitej se ai do të ftohej nga Kombëtarja A e Zvicrës, por një gjë e tillë nuk ka ndodhur.

Zeqiri ka qenë pjesë e grupmoshave të Zvicrës dhe së fundi është thënë se ai do të luajë me Kombëtaren e Kosovës.

Te Zvicra janë ftuar edhe dy shqiptarë tjerër përveç Shaqirit, Granit Xhaka dhe Admir Mehmedi. /Reporteri.net/