Rabiot do të jetë lojtar i Juventusit për katër sezonet e ardhshme.

Adrien Rabiot tashmë ka arritur në Torino. Francezi do t’i kryejë të hënën testet mjekësore para se të nënshkruajë kontratë 4-vjeçare me Juventusin.

Futbollisti pritet të fitojë 7 milionë euro në sezon te “Zonja e Vjetër” plus bonuse, ndërsa 10 milionë do të shkojnë për nënën e futbollistit që mundësoi këtë transferim me parametra zero, pasi të hënën i skadon lojtarit kontrata me Paris Saint Germainin.

? @Adriien_Rabiiot è arrivato a Torino! pic.twitter.com/mzMDoAIfdd

— JuventusFC (@juventusfc) June 30, 2019

Të hënën, gjithashtu pritet që Juventusi të njoftojë për arritjen e marrëveshjes për kapitenin e Ajaxit, Matthijs de Ligt.

De Ligt do t’i kushtojë Juventusit 67 milionë euro plus 13 milionë në varësi prej arritjeve në sezonin e parë me “Zonjën e Vjetër”.