Kosova vazhdon të ëndërrojë për Kampionatin Evropian 2020, teksa këtë muaj ka një test të vështirë.

“Dardanët” do përballen me Malin e Zi në stadiumin mitik “Fadil Vokrri”, më 14 tetor.

Interesimi vazhdon të jetë i madh për këtë ndeshje nga të gjithë futbolldashësit, derisa tashmë është konfirmuar data dhe ora e saktë se kur dalin biletat në shitje për ndeshjen me malazezët, shkruan lajmi.net.

Uebsajti që përkujdeset për shitjen e biletave “tiks.app” nëpërmjet një statusi në Facebook ka shkruajtur se biletat do dalin në shitje më 7 tetor në orën 16:00.

“Biletat e ndeshjes Kosova V Mali i Zi do të dalin në shitje online me 07.10.2019 në orën 16:00. Suksese”, shkruhet në njoftimin e “tiks.app”.