Futbollisti më i mirë i Përfaqësueses së Kosovës, Arbër Zeneli u lëndua rëndë në ndeshjen e fundit që ‘Dardanët’ e zhvilluan ndaj Malit të Zi.

‘Rrufeja’ kosovare ka lënduar rëndë ligamentet e gjurit dhe si pasojë u detyrua të largohet nga ndeshja, me ç’rast ka udhëtuar menjëherë drejt Francës shkruan Reporteri.net

Reporteri ka kontaktuar babain e futbollistit, z.Avni Zenelin i cili ka dhënë detaje për lëndimin e sulmuesit.

Ai ka konfirmuar se Arbëri ka lënduar rëndë ligamentet e gjurit dhe do të mungojë së paku 9 muaj, gjersa pritet t’i nënshtrohet operacionit dhe të fillojë fazën e rikuperimit.

Zeneli po kalonte nëpër një formë jetësore me Përfaqësuesen e Kosovës duke u bërë figura kryesore e ekipit dhe rreziku permanent për kundërshtarët.

 

View this post on Instagram

 

Thank you for your support yesterday. Disappointed that we couldn’t get all the 3 points… time to fly back and start the preparations with @stadedereims

A post shared by Arber Zeneli?????? (@azeneli17) on Mar 25, 2019 at 11:48pm PDT

Në mungesë të tij, Milot Rashica pritet që të bartet në krahun e majtë, për ta mbuluar boshllëkun që Zeneli ka lënë.

Kujtojmë që Kosova luan kundër Bullgarisë nesër me fillim nga ora 20:45, ndeshja kjo e tretë për Përfaqësuesen tonë./Reporteri.net/