Thomas Muller dhe Mats Hummels janë kthyer në Kombëtaren e Gjermanisë për Kampionatin Evropian 2020, pas dy vjetëve mungesë.

Trajneri i Gjermanisë Joachim Low i përfshiu ata në listën prej 26 futbollistëve të ftuar për Euro 2020, që nis më 11 qershor, raporton Express.

Sulmuesi i Bayern Munich Muller dhe mbrojtësi i Borussia Dortmundit Hummels u përjashtuan nga ekipi kombëtar në vitin 2019 nga trajneri Low, i cili synonte të krijonte hapësirë për gjeneratën e re të futbollistëve.

Unser Kader für die @EURO2020 ??#DieMannschaft #EURO2020 pic.twitter.com/U8bAzc82Lh

— Die Mannschaft (@DFB_Team) May 19, 2021

Por Low e ka bërë një kthesë të papritur dhe ka vendosur të mbështetet në dy prej veteranëve të i përzuri dikur.

Hummels u shpreh i lumtur që u kthye në Kombëtare dhe këtë e shprehu në një reagim në Twitter.

“Jam shumë i lumtur dhe krenar që do të luaj për Gjermaninë përsëri”, shkroi Hummels.