Pronarët rusë të “FaceApp” milionerë në pak ditë, në këtë kontribuan edhe kosovarët

Aplikacioni FaceApp, i cili këto ditë ka pushuar botën, ka fituar një milion dollarë në vetëm dhjetë ditë, transmeton Reporteri.net.


Të ardhurat, sipas Forbes, u bënë përkundër paralajmërimeve nga politikanët amerikanë dhe apelet e tyre për qytetarët që të mos përdorin këtë aplikacion të prodhuar në Rusi.

Aplikacioni, i cili përdor inteligjencën artificiale (AI) të dizajnuar nga kompania ruse Wireless Lab, është përhapur pothuajse si virus javën e kaluar pas gati tre vjet ekzistencë, raporton Russia Today.

Senatori amerikan Chuck Schumer kërkoi që të hapet një hetim ndaj aplikacionit FaceApp.

Në një dokument të publikuar në Twitter, Schumer e konsideron shumë shqetësues faktin se, “të dhënat personale të qytetarëve amerikane po përfundojnë në duart e një fuqie të huaj armike”.

Të dhënat e kompanisë treguan se aplikacioni fitoi një milion dollarë nga data 9 deri më 19 korrik. Aplikacioni është shkarkuar 6.5 milionë herë.

Kujtojmë se sikurse në tërë botën ky aplikacion u shkarkua shumë edhe në Kosovë./Reporteri.net