Ambasadori i Gjermanisë në Prishtinë, Jorn Rohde, ka pritur sot në një takim kryetaren e Dhomave të Specializuara të Republikës së Kosovës, Ekaterina Trendafilova.

Rohde përmes një postimi në rrjetin e tij social në “X”, ka thënë se ka rikonfirmuar mbështetjen e Gjemanisë për punën e tyre si dhe për një fond kompensimi të viktimave për të garantuar drejtësi të barabartë për të gjithë.

Tutje ai ka thekusuar edhe kontributin e vazhdueshëm të Dhomave të Specializuara për forcimin e sundimit të ligjit në Kosovë.

“Gjithmonë një kënaqësi për t’u takuar me presidenten e Dhomave të Specializuara. Theksova kontributin thelbësor të Dhomave për forcimin e sundimit të ligjit në Kosovë dhe riafirmova mbështetjen e fortë të Gjermanisë për punën e tyre si dhe për një fond kompensimi të viktimave për të garantuar drejtësi të barabartë për të gjithë”, ka shkruar Rohde.

Always a pleasure to meet @SpecialChambers‘ Pres. Trendafilova. I underscored the Chambers’ essential contribution to strengthening the rule of law in 🇽🇰 and reaffirmed 🇩🇪‘s strong support for their work as well as for a victims compensation fund to ensure equal justice for all. pic.twitter.com/SGDZvEzph8

— Ambassador Jörn Rohde (@GermanAmbKOS) October 8, 2024