Rusia ka humbur 794,760 trupa në Ukrainë që nga fillimi i agresionit të saj më 24 shkurt 2022, deklaroi Shtabi i Përgjithshëm i Forcave të Armatosura të Ukrainës.

Ky numër përfshin 1,510 viktima që forcat ruse pësuan pak gjatë ditës së kaluar.

Sipas raportit, Rusia ka humbur gjithashtu 9,679 tanke, 20,093 automjete luftarake të blinduara, 32,843 automjete dhe rezervuarë karburanti, 21,578 sisteme artilerie, 1,257 sisteme raketash të shumëfishta, 1,032 sisteme të mbrojtjes ajrore, 369 aeroplanë, 331 helikopterë, 21,356 dronë, 28 anije dhe një nëndetëse, shkruajnë mediat e huaja.

Ndryshe, presidenti ukrainas, Volodymyr Zelensky së fundmi ka deklaruar se Ukraina nuk do të mbajë zgjedhje nën ligjin ushtarak edhe nëse Rusia e vendos atë si një nga parakushtet për negociata.

Bëhet e ditur se Ukraina kishte planifikuar të zhvillonte zgjedhjet presidenciale në mars ose prill 2024, duke përmbyllur mandatin e parë pesëvjeçar të Zelenskyt.

Por, votimi u shty pasi kushtetuta e vendit nuk lejon zgjedhjet sipas ligjit ushtarak, i cili u shpall në 24 shkurt 2022, në fillimin e agresionit të Rusisë.

Ndërsa ka pritshmëri në rritje për bisedimet e mundshme të paqes në vitin 2025, pasi presidenti i zgjedhur i SHBA-së, Donald Trump, i cili do të marrë detyrën më 20 janar, u zotua të sjellë të dyja palët në tryezën e bisedimeve. /Telegrafi