Presidenti i SHBA, Donald Trump, ka firmosur një tjetër Urdhër Ekzekutiv Presidencial për të ofruar “lehtësi urgjente për familjet amerikane” në lidhje me çmimet e mallrave dhe adresimin e krizës së kostos së jetesës.

Trump ka akuzuar adminsitratën Biden për “barrë komplekse rregullatore dhe politika radikale që synojnë dobësimin e prodhimit amerikan”.

Mediat amerikane raportojnë se Trump udhëzoi të gjitha agjencitë federale të “heqin kufizimet e Bidenit” dhe t’u japin qytetarëve mundësinë për të blerë mallra dhe shërbime thelbësore me çmime të përballueshme.

Masat e propozuara për t’u ndërmarrë përfshijnë:

– Reduktimin drastik të kostove të strehimit dhe zgjerimin e ofertës për banesa

– Eliminimi i kostove të panevojshme administrative që rrisin kostot e kujdesit shëndetësor

– Eliminimi i “kërkesave kundërproduktive” që rrisin koston e pajisjeve shtëpiake

– Krijon mundësi pune për punëtorët amerikanë

– Eliminimi i politikave të dëmshme dhe shtrënguese të klimës që rrisin koston e ushqimit dhe karburantit.

Ai shpjegon se familjet amerikane janë të ngarkuara ” nga kostot e karburantit, ushqimit, strehimit, makinave, kujdesit mjekësor, shërbimeve dhe sigurimit ” dhe argumenton se ndërsa administrata e parë e Trump kishte ulur shumë nga kostot që rëndonin familjen mesatare, Biden “i ngarkoi ” edhe më shumë.

Në mënyrë tipike thuhet se “që kur Biden mori detyrën, kostot e përgjithshme të energjisë janë rritur me 36%, benzina është rritur me 41%, kostot e energjisë në shtëpi janë rritur me 30%, faturat e energjisë elektrike janë rritur me 29%, dhe faturat e gazit natyror janë rritur me 34%. %”./vizionplus/