Procesi i i numërimit të votave të kandidatëve për deputetë është duke vazhduar në sallën “1 Tetori në Prishtinë”.
Aktualisht janë numëruar votat nga vendvotimi në shkollën “Avni Rrustemi” në Mramor të Prishtinës, shkruan gazeta online Reporteri.net.
Në bazë të rezultateve në këtë vendvotim po prin Lëvizja Vetëvendosje, pasi kandidatët e kësaj partie kanë marrë më shumë vota.
Kandidati për kryeministër nga Vetëvendosje, Albin Kurti në këtë vendvotim ka marrë 121 vota, pasuar nga numri dy i listës së VV-së, Glauk Konjufca me 97 vota, Albulena Haxhiu me 60 vota, Donika Gërvalla me 41 vota, Faton Peci me 48, Xhelal Sveçla me 45, e të tjerë.
Sa i përket kandidatëve të LDK-s, bartësi i listës, Lumir Abdixhiku në këtë vendvotim ka marrë 98 vota, pasuar Xhafer Gashi me 65 vota, Fiknete Bejta me 44, Doarsa Kica-Xhelili me 39, Kujtim Shala me 35 e të tjerë.
Nga lista për kandidatë e PDK-së, bartësi i listës Bedir Hamza ka marrë 19 vota, pasuar nga Uran Ismaili me 12, Memli Krasniqi me 10, e të tjerë.
Procesi i numërimit të votave të kandidatëve për deputetë është duke vazhduar. /Reporteri.net/
Pas dështimit të 31-të radhazi për konstituimin e Kuvendit të Kosovës, deputetja e PDK-së, Vlora Çitaku, bllokadën parlamentare e ka cilësuar atë si një shfaqje të papërgjegjshmërisë së thellë.
“Fatkeqësisht mungon definicioni në gjuhën shqipe për të përshkruar absurditetin e situatës në të cilën ndodhemi. Kemi pa tash e disa muaj një shpërfaqje të shkallës së lartë të papërgjegjësisë dhe mungesës së ndjeshmërisë në raport me qytetarin”, u shpreh Çitaku.
Në Kuvendin e Kosovës sot ka dështuar edhe përpjekja e 31-të për konstitutuim. As sot, Lëvizja Vetëvendosje nuk i kishte numrat, madje ra në 47 vota. Në sallë ishin 87 deputetë.
VV ka vazhduar me përpjekjen për ta ndryshuar formën e votimit për zgjedhjen e Kryetarit të Kuvendit, në votim të fshehtë, por që nuk ka marrë mbështetje.
Deputetja e Lëvizjes Vetëvendosje dhe e propozuara për kryetare të Kuvendit nga kjo parti, Albulena Haxhiu, ka komentuar situatën aktuale politike dhe bllokadën rreth konstituimit të Kuvendit të Kosovës pas dështimit të 31-të për konstituimin e Kuvendit. Në një deklaratë për media, Haxhiu u shpreh se procesi nuk varet vetëm nga VV-ja, por nga të gjithë deputetët e partive politike.
“Nuk varet vetëm nga VV. Ne jemi përgjegjës sa janë edhe deputetët e tjerë të partive tjera politike”, tha Haxhiu.
Haxhiu foli edhe për propozimin e LDK-së për Qeveri të Unitetit. Ajo shtoi se është thelbësore të arrihet fillimisht një unitet për konstituimin e institucioneve, përpara se të diskutohet për çështje të tjera programore, shkruan gazeta online Reporteri.net.
“Nuk e kam lexuar këtë plan, nuk mund t’i komentoj pikat. E rëndësishme është që është absurde të mblidhesh të votosh për 15 pikat kur ne s’po merremi vesh për konstituimin e Kuvendit. Së pari duhet unitet për konstituimin e Kuvendit dhe pastaj të flasim për pikat tjera”, u shpreh Haxhiu.
Në vazhdim, ajo rikujtoi se Vetëvendosje ka qenë e hapur për bashkëpunim me LDK-në, por se kjo e fundit e ka refuzuar ofertën. Ajo kritikoi qasjen e LDK-së duke e akuzuar se po dëshiron me çdo kusht ta ketë PDK-në në partneritet.
“Ju e dini që VV-ja ka qenë e hapur për koalicion me LDK-në, por kjo është refuzuar. Nuk e kuptoj qasjen e LDK-së që me domosdo ta ketë PDK-në në partneritet. Ky insistim është i pakuptimtë. Për mua është absurd qëndrimi i LDK-së se nuk shkojmë pa PDK-në”, tha Haxhiu para mediave. /Reporteri.net/
Në Kuvendin e Kosovës ka dështuar edhe përpjekja e 31-të për konstitutuim. As sot, Lëvizja Vetëvendosje nuk i kishte numrat, madje ra në 47 vota. Në sallë ishin 87 deputetë, shkruan Reporteri.net.
VV ka vazhduar me përpjekjen për ta ndryshuar formën e votimit për zgjedhjen e Kryetarit të Kuvendit, në votim të fshehtë, por që nuk ka marrë mbështetje.
Partitë tjera, si PDK, LDK, AAK dhe Lista Serbe s’kanë propozuar fare anëtarë për Komisionin për votim të fshehtë. Kur është hedhur në votim përbërja e komisionit, ata s’kanë marrë pjesë fare në proces.
Në dështim të votimit të Komisionit, Kryesuesi Avni Dehari ka ndërprerë seancën.
“47 deputetë për, kundër s’ka, abstenime s’ka. Ndërpritet seanca. Shihemi më 15 qershor në orën 11:00”, tha Dehari.
E propozuara e VV’së për këtë pozitë vazhdon të mbetet Albulena Haxhiu./Reporteri.net
Deputetja e Lëvizjes Vetëvendosje dhe e propozuara nga kjo parti për kryeparlamentare, Albulena Haxhiu, ka deklaruar se përgjegjësia për vazhdimin e konstituimit të Kuvendit të Kosovës qëndron te opozita.
Para nisjes së seancës së sotme parlamentare, Haxhiu tha se ata do të vazhdojnë ta japin mbështetjen për themelimin e komisionit, por theksoi se hapat e mëtejshëm varen nga qëndrimi i partive që në legjislaturën e kaluar ishin në opozitë.
“Varet prej opozitës. Besoj do t’i takoni deputetët e opozitës dhe mandej do t’ju tregojnë. Ne do të votojmë pro komisionit”, u shpreh Haxhiu për mediat.
Deputetët e Kuvendit të Kosovës do të mblidhen sot në tentativën e 31-të, në përpjekje për konstituimin e Kuvendit. Procesi ka ngecur te zgjedhja e Kryeparlamentarit. Partia fituese, Lëvizja Vetëvendosje ka propozuar për këtë pozitë Albulena Haxhiun, që nga partitë tjera po konsiderohet figurë përçarëse.
Vetëvendosje nuk po heq dorë nga emri i saj. Në asnjërën nga votimet për të, Haxhiu s’ka marrë mbi 57 vota. Për t’u zgjedhur, i nevojiten 61. /Reporteri.net/
Deputetët e Kuvendit të Kosovës do të mblidhen sot në tentativën e 31-të, në përpjekje për konstituimin e Kuvendit. Procesi ka ngecur te zgjedhja e Kryeparlamentarit. Partia fituese, Lëvizja Vetëvendosje ka propozuar për këtë pozitë Albulena Haxhiun, që nga partitë tjera po konsiderohet figurë përçarëse.
Vetëvendosje nuk po heq dorë nga emri i saj. Në asnjërën nga votimet për të, Haxhiu s’ka marrë mbi 57 vota. Për t’u zgjedhur, i nevojiten 61, shkruan Reporteri.net.
Nga 15 prilli, kur ka filluar seanca konstituive, deri tash kanë dështuar 30 vazhdime të saj. Edhe në seancën e sotme, e 31-ta me radhë nuk ka ndonjë sinjal për rrugëdalje nga ngërçi i krijuar tash e dy muaj.
Presidentja e vendit, Vjosa Osmani ka vendosur të ndërmarrë edhe një hap për të kërkuar zgjidhje për ngërçin në të cilin ka hyrë vendi. Ajo pritet t’i drejtohet Gjykatës Kushtetuese me synimin që të sqarohen mundësitë ligjore për tejkalimin e situatës aktuale.
Sipas këshilltarit të saj, Bekim Kupina, ekipi ligjor i Presidentes tashmë ka përgatitur një draft të lëndës që do t’i dorëzohet Gjykatës. Megjithatë, po pritet aktgjykimi për pranueshmërinë e kërkesës së dorëzuar nga AAK-ja, e cila pritet të ndihmojë në sqarimin e aspekteve procedurale të çështjes.
“Sa i përket Gjykatës Kushtetuese, ekipi ligjor Presidentes ka përgatitur një draft të lëndës që do të mund të adresohej në Kushtetuese, mirëpo jemi në pritje të aktgjykimit të Gjykatës Kushtetuese rreth pranueshmërisë së kërkesës së dërguar nga AAK-ja, sepse kjo pastaj mund t’i sqarojë edhe çështjet e pranueshmërisë së një çështjeje që do të referohej nga Presidentja. Pra nuk është fjala për meritat e çështjes, por vetëm për anën procedurale, pra pranueshmërinë.”, ka thënë Kupina të martën për gazetën online Reporteri.net.
Presidentja ka mbajtur deri tani dy takime konsultative me liderët e partive politike, fillimisht më 15 maj dhe së fundmi për çështjen e organizimit të zgjedhjeve lokale.
Ajo ka ripërsëritur gatishmërinë për të zhvilluar takime të veçanta me çdo lider politik që ka interes për të diskutuar mbi konstituimin e Kuvendit.
Tashmë janë bërë mbi katër muaj kur Kosova ka mbajtur zgjedhjet parlamentare, në të cilat Vetëvendosje doli partia e parë, e pasuar nga PDK, LDK dhe AAK-NISMA./Reporteri.net/
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
