Teksa po mbahen zgjedhjet, ka ndodhur një parregullësi në fshatin Pozhoran.

Është shpërndarë një video ku shihen dy persona duke bërë shkëmbimin e parave në këmbim të një vote, shkruan Reporteri.net

Sipas disa të dhënëave thuhet se personi i cili ka shitur votën, ishte kryetari i Lëvizjes Vetëvendosjes, në Pozhoran.

Mirëpo, i menjëhershëm ka qenë reagimi i zëdhënësit për media nga LVV, Arlind Manxhuka, i cili ka kundërshtuar raportimet se një person me emrin Qamil Rexhepi, është xhiruar duke blerë vota në Pozhoran.

Manxhuka ka thënë se ky është lajm i rremë dhe se Vetëvendosje, nuk ka kryetar të pikës në Pozhoran, e as anëtar me emrin Qamil Rexhepi.

Ai u ka bërë thirrje Policisë që ta sqarojë sa ëm parë këtë lajm, që sipas tij po përhapen nga subjektet politike.

Ndryshe, për parregullsi të shumta, kryesisht të publikimit të votave ka raportuar edhe Demokracia në Veprim.

Reporteri.net