Eugen Cakolli nga IKD, ka komentuar emërimin e anëtarit të VV-së Mentor Hysenit, si drejtor të Administratës Tatimore të Kosovës, duke thënë se ky veprim është ‘‘shembulli tipik i kapjes së institucioneve publike’’.

Cakolli ka thënë edhe se emërimi i Hysenit paraqet edhe përbën vazhdimësi të shkeljes së kufizimeve ligjore mbi kompetencat e një qeverie në detyrë dhe po ashtu, është mosrespektim i hapur i aktgjykimit të fundit të Gjykatës Supreme.

Po ashtu, Cakolli ka thënë edhe se veprimi i Hysenit rrezikon ta shndërrojë ATK-në në instrument politik për presione të caktuara.