Vetëm pak minuta pasi e publikoi një video ku Kosova shfaqet si pjesë e hartës së Serbisë, Manchester Unitedi reagoi duke e fshirë videon dhe duke e zëvendësuar hartën e gabuar me flamurin serb.

Manchester Unitedi do të përballet nesër me Partizanin e Beogradit në kuadër të fazës së grupeve të Ligës së Evropës.

Për këtë arsye, klubi e publikoi një video ky lojtari serb i skuadrës, Nemanja Vidic, flet për vendlindjen e tij, transmeton  Express.

Megjithatë, përderisa Matici nuk tha asgjë për Kosovën, vetë faqja zyrtare e Manchester Unitedit gaboi duke e shfaqur Kosovën si pjesë të Serbisë në hartën e shfaqur në videon e publikuar.

Tifozët shqiptarë të “Djajve të kuq” ishin ankuar për të njëjtën gafë edhe para disa muajve, kur klubi kishte reaguar duke kërkuar falje.

E megjithatë, duket se punonjësit e klubit nuk kishin mësuar nga gabimi i tyre, pasi që të njëjtën gabim e përsëritën edhe sot.

Por, reagimi i faqes së “Djajve të kuq” ishte i shpejtë dhe ata e fshinë videon e publikuar me hartën e gabuar dhe e publikuan një të re ku shfaqur vetëm flamuri serb.

Tifozët shqiptarë të gjigantit anglezë kishin reaguar edhe disa muaj më herët për të njëjtën arsye, derisa klubi i kishte kthyer përgjigje pozitive duke i kërkuar falje.

https://www.facebook.com/manchesterunited/videos/521555018658297/