Milot Rashica me formën që po kalon te Werder Bremen ka bërë që shumë klube të interesohen për të

Dortmundi, Leipzig dhe së fundi Schalke 04 janë vetëm disa nga shumë skuadra që po dëshirojnë ta kenë në skuadër yllin nga Vushtrria, shkruan Reporteri.net

23 vjeçari është duke refuzuar që ta rinovojë kontratën me Werderin, klub i cili dëshiron që t’ia përmirësojë dukshëm kushtet.

Por, Miloti dëshiron që të luajë në Ligën e Kampionëve dhe një gjë të tillë vështirë se do ta arrijë me Werderin.

Se kah do të shkojë vushtrriasi mbetet të shihet në afatin kalimtar të janarit, pasi ofertat për të nuk është se janë duke munguar. /Reporteri.net/