Mbi 85% e votave me postë të mërgatës kanë përfunduar së numëruari në Qendrën e Numërimit dhe Rezultateve.

Deri tash janë procesuar 191 vendvotime nga 223 sa janë gjithsej.

Lëvizja Vetëvendosje prin me 72.51% të votave, shkruan Reporteri.net.

Pas saj, renditet LDK me 12.45%, PDK me 7.90% dhe AAK me 4.40%

Votimi përmes postës është zhvilluar nga 21 maji deri më 6 qershor 2026, ndërsa rreth 105 mijë shtetas të Kosovës ishin regjistruar për këtë formë votimi.

Të dielën është përmbyllur procesi i vlerësimit të 85,790 pakove të supozuara me fletëvotime, prej të cilave janë aprovuar 82,809, ndërsa janë refuzuar 2,981./Reporteri.net