Në Shqipëri janë varrosur gjashtë nga 27 viktimat të cilët u gjetën nën rrënoja nga tërmeti i fuqishëm i së martës.

Mediat kanë shpërndarë një foto nga një kënd ku janë vënë njoftimet për varrimin e gjashtë prej 27 të vdekurve.

Ndërkohë, mëngjesin e sotëm në Spitalin e Traumës humbi jetën Saimir Gregu 31-vjeç banor i zonës së Thumanës. Ndërsa nga rrënojat janë nxjerrë dy persona të tjerë, njëri i identifikuar si Klement Cupi 32-vjeç.

Ndërkohë sipas Ministrisë së Mbrojtjes janë plagosur mbi 650 persona, ndërsa mbi 40 janë shpëtuar.

Që prej mëngjesit të djeshëm deri sot në gjithë territorin e Shqipërisë janë regjistruar mbi 500 tërmete.