Kryeqyteti i Italisë është gati për derbin Roma-Lazio, një ndër ndeshjet më të zjarrta jo vetëm në kontinentin e Vjetër.

Për të krijuar një ide më të qartë për rivalitetin e egër që karakterizon një përballje të tillë mjafton të kujtohet thjesht fakti që “Derby del Capitale”, sa i përket kampionatit, nuk zhvillohet në mbrëmje prej me shumë se 6 vitesh. Sfida zhvillohet në orën 18:00 pikërisht për të shmangur incidentet apo përplasjet e ashpra ndërmjet dy tifozerive.

Historiku i kësaj sfide daton në një periudhe shumë të hershme më konkretisht në sezonin 1929-1930 dhe prej asaj dite, rivaliteti mes këtyre dy klubeve do të vinte gjithnjë e në rritje.

Lazio momentalisht po përjeton një moment magjik në kampionat,madje nëse vazhdon më të tilla ritme bardhekaltërit mund të synojnë edhe titullin.

Eliminimi nga Kupa e Italisë sigurisht që peshon, por gjithsesi gara vazhdon. Një ndër lojtarët më në formë tek Lazio është pikërisht Ciro Imobbile, golashënuesi më i mirë për momentin në Serinë A me 23 rrjeta, ky i fundit i ka shënuar 6 gola Romës, një me fanellën e Torinos kur ishte pjesë e klubit Granata, ndërsa 5 të tjerë me fanellën bardhekaltër.Roma gjithashtu i dha lamtumirën Kupës së Italisë, duke u mposhtur nga Juventus 3-1.

Ndryshe nga bardhekaltërit forma e ekipit të Fonsecas nuk është në lartësinë e kundërshtarit, por një sfide derbi, skuadra është e motivuar.Gjithsesi në këtë përballje të rradhës, dueli premton sërish një 90 minutësh të zjarrtë.