Dy tifozëve në Korenë e Jugut u është dhënë një tarifë kompensimi prej 371 mijë funta, pas paraqitjes së Cristiano Ronaldos në një miqësore mes Juventusit dhe All-Stars të K-League.

Gjithsej 60 mijë tifozë u mblodhën në “Stadiumin Olimpik” në korrik të vitit të kaluar për të parë skuadrën e Juventusit, me shumë shpresë se do të shohin pesë herë fituesin e “Topit të Artë”, Ronaldon shkruan Reporteri.net.

Por 34-vjeçari nuk u inkuadrua fare në atë ndeshje,pasi tekniku Sarri pretendoi se Ronaldo po vuante nga mbingarkesa e muskujve.

Në fakt shumë tifozë u larguan nga stadiumi herët, ndërsa më shumë se 2 mijë prej tyre u zemëruan, madje ata kishin paditur organizatorët e ndeshjes “The Fasta Inc”, pasi njoftuan se Ronaldo do të luante të paktën 45 minuta.

Disa muaj më vonë dhe në një raport thuhet se gjykata e rrethit në Incheon, në perëndim të Seulit, urdhëroi “Fasta Inc” të paguante 371 mijë funte si dëmshpërblim tifozëve të paknaqur me organizimin e ndeshjes./Reporteri.net/