Në mbledhjen e sotme të Shtabit të Emergjencës, me qëllim të sigurimit të ujit të pijshëm për qytetarët e Klinës, është marrë vendim, që KRU “Hidrodrini” njësia në Klinë të sigurojë të pijshëm për qytetarët e Klinës, që do të bëhet nëpërmjet dy burimeve pranë fabrikës së ujit në Klinë.
Kreu i kësaj komune, Zenun Elezaj, ka kërkuar mirëkuptimin e qytetarëve, që gjatë furnizimit me ujë të respektohet radha, distanca dhe të jenë të pajisur me dorëza dhe maska, si masë parandaluese e përhapjes së virusit.
https://www.facebook.com/Zenunelezaj1963/posts/796844737471102
Kujtojmë se Elezaj në një bisedë për Reporteri.net ka thënë se 40 persona janë në izolim, ndërsa ka shtuar se mjekët s’po kanë pajisje për t’u përballur me situatën e re të krijuar, pas paraqitjes së rastit të parë me koronavirus në komunën që drejton. /Reporteri.net/.