Ministri i Infrastrukturës, Lumir Abdixhiku ka njoftuar se një autobus me udhëtarë kosovarë sot ishte nisur në mënyrë ilegale nga Italia për në Kosovë, dhe po i njëjti është kthyer prapa në kufirin e Kroacisë, shkruan Reporteri.net.

Ministri Abdixhiku rikujton se qytetarët se çdo transport i organizuar, tokësor e ajror është i ndaluar deri në një vendim tjetër.

Ai ka njoftuar se për shtetasit e Kosovës, me viza në skadim, do të ketë trajtim dhe për këtë është në konsultim të ngushtë me ministrin e Punëve të Jashtme dhe ministrin e Shëndetësisë.

Njoftimi i plotë:

Sot jemi njoftuar për nisjen e një autobusi me udhëtarë nga Italia për në Kosovë. Nisja ishte ilegale dhe pa autorizm të Ministrisë. Autobusi në fjalë është kthyer prapa në Kroaci.

Rikujtoj se çdo transport i organizuar, tokësor e ajror është i ndaluar deri në një vendim tjetër. Kjo masë preventive është domosdoshmëri e mbrojtjes së qytetarëve tanë.

Për shtetasit e Kosovës, me viza në skadim, do të ketë trajtim. Jam në konsultim të ngushtë me ministrin e Punëve të Jashtme dhe ministrin e Shëndetësisë.