Në Elbasan policia gjatë patrullimit pasditen e sotme kapi dy qytetarë që po lëviznin në rrugë në këmbë, madje pa respektuar as distancën mes njëri tjetrit.

Një nga efektivët e policisë u kërkoi që të shkojnë në shtëpi, pasi në të kundërt do të shoqërohen në komisariat për thyerje të urdhrit për vetëkarantinim.

Por qytetari i thotë se po shkon që të marrë nusen, e cila ka shkuar te daja, pasi ishte trembur nga patrulla. Për një moment, efektivi ‘thyen akullin’ duke bërë edhe një batutë. Përgjigja nga qytetarët nuk mungon, që i dërgojnë një përshëndetje kryeministrit Edi Rama, por duke thyer masën e distancimit, pasi në fund përqafohen.

Biseda e qytetarit me patrullën e policisë
Polici: Zotëri do të ikni në shtëpi se përndryshe do u shoqërojmë në polici

Qytetari: Po shkoj të marr nusen unë, e lashë tek daja

Polici: Nusen po deshe mbaje po deshe ndaje, se mos është mërzitur nusja, që ka ikur

Qytetari: Jo re vëlla! Është që qëparë, do të shkoj të marr nusen dhe do të iki në shtëpi

Polici: Dakord, por po erdhëm dhe u gjetëm do u shoqërojmë në komisariat

Qytetari: Deri te ura e Bakallit jam unë, do të marr nusen dhe do të vij

Polici: Nga momenti që ka vendosur orar do të zbatosh rregullin

Qytetari: Po ta lë nusen unë? Ajo ka frikë! E keni trotuar qëparë, më tha, iku me vrap nusja qëparë

Polici: Kalofshi mirë