Ministri në detyrë i Shëndetësisë, Arben Vitia ka njoftuar se katër pacientë janë shëruar nga Coronavirusi në Kosovë.

Vitia ka falënderuar stafin e Klinikës Infektive, Institutit Kombëtar të Shëndetit Publik dhe të gjithë infermierëve dhe mjekëve anembanë Kosovës për punën.

Numri total i personave të shëruar në Kosovë nga COVID-19 tashmë është 5 persona, nga 108 të prekur nga pandemia. Një person ka humbur jetën.

“Katër pacientë të shëruar. Pas përsëritjes së dytë të testimit, edhe katër pacientë konfirmohen zyrtarisht të shëruar nga COVID-19. Faleminderit stafit të mrekullueshëm në Klinikën Infektive, Institutit Kombëtar të Shëndetit Publik dhe të gjithë infermierëve dhe mjekëve anëemabanë Kosovës për punën e jashtëzakonshme”, ka njoftuar ministri Vitia.

“T’i ndihmojmë edhe ne në këtë betejë. Qëndroni në shtëpi. Ndiqni rekomandimet e MSH dhe IKSHP. Bashkë do t’ia dalim. Ju faleminderit për bashkëpunimin!”, shkruan tutje ai në facebook.