Aerporti Ndërkombëtar i Prishtinës “Adem Jashari”, ka njoftuar për fluturimet që janë planifikuar për këtë muaj.

Përmes një njoftimi në faqen zyrtare, ANP’ja ka bërë me dije se do të jetë një fluturim Ankara-Prishtinë më 21 prill, Prishtinë-Dusseldorf më 24 prill dhe dy fluturime më 27 prill, njëri për në Vjenë e tjetri për Zurich.

“Për fluturime në kthim ju lusim që të adresoni pyetjet tuaja në Ambasadën e Kosovës në shtetin ku ndodheni, ndërsa për bileta kontaktoni drejtpërdrejt Kompanitë Ajrore dhe Agjencionet e udhëtimit”, thuhet në njoftimin e aeroportit.