Naim Murseli, këshilltar i kreut të AKR-së, Behgjet Pacolli i ka shkruajtur këshilltarit të ri serb të Kurtit, Cvetko Veljkoviq.

Murseli në postimin ku Svetkoviq është shprehur i lumtur me emërimin në kabinetin e Kurtin,  e ka pyetur atë se a duhet kërkuar falje  për krimet e Serbisë në Kosovë.

Madje, i ka bërë thirrje atij që të mos fshijë komente, dhe të përgjigjet si këshilltar i kryeministrit.

“A duhet kërkuar falje Serbia për gjenocid në Kosovë? A njeh pavarësinë e Kosovës? Mos fshij komente, por përgjigju si këshilltar i Kryeministrit të Kosovës që je”, i ka shkruar ai.

Lajmi.net raportoi dje për emërimin e Cvetkoviqit në kabinetin e Kurtit. I njëjti, kohë më parë kishte shpërndarë këngë heroizuese për Ratko Mlladiqin, kriminelin famëkeq serb që është dënuar me burgim të përjetshëm për krime lufte.