Dy persona janë plagosur mbrëmjen e sontme në fshatin Smallushë të Lipjanit.

Lajmin për Reporterin e ka konfirmuar zëdhënësi i policisë për rajonin e Prishtinës, Bajram Krasniqi.

Krasniqi ka thënë se dy viktimat, kanë marrë lëndime në këmbë si pasojë e të shtënave me armë zjarri.

Ata janë dërguar për trajtim në QKUK.

“Sot rreth orës 18:44 kemi marr një informatë se në fshatin Smallushë të Lipjanit, ka ndodhur një rast plagosje me armë zjarri. Njësitet policore i janë përgjigjur thirrjes. Në vendin e ngjarjes kanë hasur dy persona të lënduar në këmbë, të njejtit janë dërguar për në QKUK”, ka thënë Krasniqi për Reporterin.

Policia është duke e hetuar rastin edhe më tutje. /Reporteri.net