Përkundër lehtësimit të masave në Shqipëri tubimet për ahengje të ndryshme ende nuk lejohen.

Megjithatë, jeta vazhdon dhe njerëzit po i kryejnë ceremonitë martesore, nën organizime të vogla, kryesisht në rrethin familjar.

Mirëpo një ceremoni martesore ka habitur mbrëmë Tiranën, ku u organizua festë e madhe dhe madje u mblodhën njerëz, shkruan Reporteri.

Kështu të paktën po pretendohet në disa video të publikuara në rrjetet sociale, ku dëgjohet muzikë e njerëz duke brohoritur e vallëzuar.