Mesditën e sotme një aksident ka ndodhur në Tiranë, aty ku një 65 vjeçar me bicikletë ka mbetur i plagosur pasi është përplasur nga një makinë.

Sipas policisë ai ndodhet jashtë rrezikut për jetën.

“Më datë 16.05.2020, rreth orës 14:41, në bulevardin “Bajram Curri”, mjeti me drejtues shtetasin L.C., 25 vjeç, ka aksidentuar biçiklistin H.Ll, 65 vjeç, i cili ndodhet në spital, nën kujdesin e mjekëve.

Drejtuesi i mjeti është shoqëruar në Komisariatin e Policisë Nr.2 për veprime të mëtejshme”, njofton policia.

Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.