Shërbimi i obliguar ushtarak ëstë një temë shumë e përfolur së fundit në Kosovë.

Me këso uniforma do të mund të vishen të gjithë të rinjtë e Kosovës në një fazë të caktuar të jetës së tyre.

Krejt kjo do të mund të ndodh, nëse shërbimi ushtarak bëhet obligativ.

Një plan të tillë e ka edhe qeveria të cilën e drejton kryeministri Avdullah Hoti.

Bile këtë çështje e ka përmendur edhe Ministri i Mbrojtjes, Anton Quni, në një nga mbledhjet e para të qeverisë.

Por, komandanti i FSK-së, Rrahman Rama thotë se duhet një analizë e mirëfilltë për marrjen e përvojave nga vendet e tjera.

Sipas Ramës sfidë do të jetë edhe buxheti i vogël.

Për tu jetësuar kjo ide i pari i FSK-së, Rrahman Rama thotë se duhet të ketë koordinim të plotë edhe me NATO-në, pasi Kosova synon të jetë pjesë e saj.

E njohësit e çështjeve të sigurisë thonë se kjo iniciativë është e mirë për të rinjtë kosovar.

Sipas Nuredin Ibishit forca e armatosur do ta ketë edhe një komponentë ndihmëse teksa ka përmendur edhe disa modele të shteteve të ndryshme që e kanë shërbimin ushtarak të obligueshëm.

Shërbimi i obligueshëm ushtarak kishte qenë premtim edhe e ish kryeministrit Albin Kurti.