Betim Gjoshi nga Partia Demokratike e Kosovës, ka reaguar pas ndërprerjes së seancës së Kuvendit nga kryetarja Vjosa Osmani ku po diskutohej për rishikimin e buxhetit.

Përmes, një postimi në profilin e tij në Facebook, Gjoshi ka shkruar se më 14 prill Osmani nuk lejonte të hynte në rend dite në Kuvend propozimi i PDK-së për Pakon Ekonomike për përballimin e pandemisë.

Kurse, sot sipas tij i njëjti person me arbitraritet dhe në mënyrë të njëanshsme ndërpret seancën e Kuvendit ku pritej votimi I rishikimit të buxhetit, përcjell Insajderi.org

Sipas tij, Vjosa Osmani është një e pacipë që e mban të uzurpuar atë karrige dhe ndërpret seancat nga të cilat varen jetët e njerëzve të këtij vendi.

Postimi i tij i plotë:

《14 prill 2020》
Vjosa Osmani nuk lejonte të hynte në rend dite në Kuvend propozimi i PDK-së për Pakon Ekonomike për përballimin e pandemisë.

《10 korrik 2020》

I njejti person, me arbitraritet dhe në mënyrë të njëanshme ndërpret seancën e Kuvendit ku pritej votimi i rishikimit të buxhetit.

• A e din kush çka ka ky njeri?

• Si është e mundur që ajo del kaq hapur kundër njerëzve të këtij vendi që presin të përfitojnë nga një Pako Ekonomike ose nga rishikimi i buxhetit?

Vjosa Osmani është një e pacipë që e mban të uzurpuar atë karrige dhe ndërpret seancat nga të cilat varen jetët e njerëzve të këtij vendi.

Ajo është një e padijshme dhe që vetëm konfliktohet me ish bashkëpartiakët e saj.
Ajo është një kryetare e njëanshme që po i shërben një grupimi politik, Vetëvendosjes, që ka vetëm një dëshirë 《të bëhet edhe më zi në këtë vend》.

Në vend se të drejtojë seancat me përgjegjshmëri dhe përulje – ajo e ka vendosur të mbetet shembulli më i keq se si nuk duhet kurrë të jetë një Kryetar i Kuvendit.

#ShembulliMëiKeq #Enjëanshme