Ish-kampion evropian në kategorinë e rëndë, Luan Krasniqi, ia ka uruar bashkatdhetarit të vet, Robin Krasniqi, titullin e kampionit të botës në kategorinë gjysmë të rëndë, duke e cilësuar si madhështore fitoren e tij kundër Dominic Boeselit të shtunën.

Boksieri kosovar Krasniqi, i cili lufton nën flamurin gjerman, e mposhti Boeselin me një nokaut dërrmues në rundin e tretë në Magdeburg dhe u shpall kampion i përkohshëm i botës në ËBA dhe kampion bote në IBO në kategorinë gjysmë të rëndë.

E djathta e Krasniqit ishte aq e fortë dhe e shpejtë, saqë boksieri gjerman u rrëzua si një lis i madh dhe koka iu përplas për dyshemeje.

Boksieri nga Kosova, i cili i kishte humbur luftërat për kampion bote në vitet 2013 dhe 2015, e jetësoi ëndrrën në tentimin e tretë.

Luani, i cili ishte shpallur kampion i Evropës para se të dështonte në përpjekjet e tij për titullin e botës në kategorinë e rëndë në ËBO në vitin 2005, i ka bërë thirrje Robinit të jetë krenar me titullin e botës.

Në një reagim në Facebook, 49-vjeçari shkroi se shumë pak njerëz kiishin besuar në aftësitë e Robinit për të triumfuar kundër Boesel.

“Urime Robin Krasniqi për fitimin e titullit kampion bote. Një fitore spektakolare”, shkroi Luani.

Ai shtoi: “Shumë pak njerëz besuan që do ta arrish këtë. Ti mund të jesh shumë krenar për këtë.”

https://www.facebook.com/luan.krasniqi1971/posts/3857959314231467?__xts__%5B0%5D=68.ARAUof3JP2AJdms5d6C7fLxUsYtZy__IQITk1P4oAlLSoOmTMIAk2pbXXPUnXksbUwBC6V4-VWmLOHITSd8Wpzvoi_XrSe5I8ztpZmJ1nMq8tGsKsMib7KAP3RcccQ4E6UrVBFOC77Y7uGWLCvuv1H445ya6Y9f67boMK3sBA_n0ayye0IKBQA-8U3OLSDZYiIe-xex3s_lam1U6R1M63K70b_ej5W-nS_-OS9L4SGl4al8qzyj3Vcm90bQdPYNpMRSUETlnj8aSqRTSml6tjP9kSZFMqwsLFa9gPaInzNOzLmxQ–giIAksmyt7pMuThvhmDgeM5GolbraTPFysFD8o1w&__tn__=-R