Instituti Kombëtar i Shëndetësisë Publike të Kosovës (IKSHPK) ka konfirmuar se në 24 orët e fundit në Kosovë 12 persona me COVID-19 kanë vdekur.

Brenda këtyre 24 orëve janë konfirmuar 491 raste të reja nga nga 1,137 testime sa janë bërë gjithsej.

Viktimat janë nga mosha 79 vjeç e deri te më i riu 64 vjeç.

Rastet e vdekjes janë nga komunat: Prizren 3 raste (72, 69 dhe 64 vjeç), Gjilan 3 raste (69, 66 dhe 65 vjeç), Prishtinë 2 raste (të dytë 79 vjeç), Drenas 1 rast (64 vjeç), Ferizaj 1 rast (71 vjeç), Klinë 1 rast (78 vjeç) dhe Suharekë 1 rast (67 vjeç).

Numri total i rasteve pozitive në Kosovë është 23.425 raste nga 104.976 persona të dyshimtë në virusin SARS-CoV-2 dhe 744 raste të vdekjes.