Ambasada amerikane në Kosovë, u ka bërë thirrje qytetarëve që të dalin në votime, teksa në thirrjen e tyre apelohet edhe respektimi i masave kundër koronavirusit.

Ambasada bën thirrje te qytetarëve, që të dalin dhe të votojnë, por duke ruajtur shëndetin e tyre dhe duke respektuar masat.

“Mos lejoni që pandemia t’ju ndalojë të luani rolin tuaj në përcaktimin e së ardhmes së Kosovës. Dilni dhe votoni, por bëjeni atë në mënyrë të sigurt – mbani distancën tuaj, vishni një maskë, ? dhe ndiqni udhëzimet e punëtorëve të angazhuar në procesin zgjedhor”, thuhet në thirrjen e ambasadës.

Komisioni Qendror i Zgjedhjeve ka njoftuar se pjesëmarrja e qytetarëve në votime deri në ora 11:00 është 8,30 %, apo 145 mijë 650 votues.

Kjo është bërë e ditur në një konferencë për media nga kryetarja e KQZ-së, Valdete Daka.

Daka, po ashtu ka thënë se nuk ka pasur incidente të raportuara.

Qendrat e votimeve janë hapura në ora 07:00 dhe do të mbyllën në ora 19:00.
Të drejtë vote në këto zgjedhje kanë 1.794.862. /Reporteri.net