×
  • Lajme
  • Lajme

    Kandidati për deputet, nënkryetar i Forumit Rinor të LDK-së: Rezultatet e 14 shkurtit na thërrasin për reflektim

    Reporteri
    18 Shkurt 2021 | 22:20

    Nënkryetari i Forumit Rinor të LDK-së, kandidat për deputet në zgjedhjet e 14 shkurtit, Florent Ukaj ka vlerësuar se rezultatet e dobëta në zgjedhje të kësaj partie duhe t’i bëjnë që të reflektojnë për ta dërguar LDK-në drejt fitoreve të mëdha.


    “Punë e madhe na pret, andaj nuk kemi kohë për të humbur, është koha për reflektim të bazës, sepse këto rezultate kanë qenë treguesi i bazës me struktura, kanë qenë të mangëta ose kanë munguar fare. Bashkë, do ta dërgojmë LDK-në aty ku e ka vendin, drejt fitoreve të mëdha! Nuk do të ndalemi deri në rikthimin e madh të Lidhjes Demokratike të Kosovës”, ka thënë ai.

    Ky është postimi i plotë i Ukajt:

    Të nderuar qytetar të Republikës së Kosovës, votues të Lidhjes Demokratike të Kosovës,

    Më lejoni që si nënkryetar i Forumit Rinor të LDK-së, t’ju kërkoj falje për rezultatet që sollën zgjedhjet e 14 shkurtit.

    Rezultatet janë të pa imagjinueshme ndonjëherë dhe padyshim thirrje për reflektim nga udhëheqja aktuale.

    Votuesi i LDK-së, strukturat, degët dhe nën degët nuk e meritojnë degradimin e mëtejmë të partisë për ndonjë ego.

    Rinia e LDK-së e dëshiron mundësinë sa më të madhë në parti dhe nëpëmjet aktivizimit të ketë shtrirjen e domosdoshme aty ku duhet dhe ku është e nevojshme.

    Edhe pse shumë vjet i kyçur në politikë, është hera e parë që kandidoj për deputet të Kuvendit të Kosovës, andaj ju falënderoj të gjithëve për besimin.
    Punë e madhe na pret, andaj nuk kemi kohë për të humbur, është koha për reflektim të bazës, sepse këto rezultate kanë qenë treguesi i bazës me struktura, kanë qenë të mangëta ose kanë munguar fare.

    Bashkë, do ta dërgojmë LDK-në aty ku e ka vendin, drejt fitoreve të mëdha!
    Nuk do të ndalemi deri në rikthimin e madh të Lidhjes Demokratike të Kosovës

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2025. Të gjitha të drejtat e rezervuara.

    Linku i lajmit u kopjua!