Ministri i Mbrojtjes në Detyrë dhe nënkryetari i LDK-së, Anton Quni, e ka konfirmuar se ua ka kumtuar partisë që do të jetë në garë për kryetar partie.

Në Pressing të T7, Quni tha se në takimin e parë pas zgjedhjeve u ka thënë kolegëve që të kenë konsideratë kur ta shohin kandidaturën e tij, shkruan Reporteri.net.

“Në takimin pas zgjedhjeve, u kam thënë që të kenë konsideratë kur të futem në garë për kryetar të LDK-së”, ka thënë Quni.

Ndërkohë, ministri në detyrë ka thënë se mirëpret edhe kandidaturat e tjera, si Kujtim Shala e Lumir Abdixhiku pasi, sipas tij, në LDK ka garë demokratike.

Quni, ndërkaq, thotë se në LDK u prit mirë kandidatura e tij dhe anëtarët reaguan në mënyrë dinjitoze./Reporteri.net..