Rasim Selmanaj ka dhënë dorëheqje nga të gjitha funksionet në strukturat e Aleancës për Ardhmërinë e Kosovës (AAK).

Selmanaj e ka konfirmuar dorëheqjen edhe në një prononcim të shkurtër për Telegrafin.

“Nuk kam çfarë të shtojë pos që jam liruar nga strukturat e partisë! Mbetem anëtar i thjeshtë i AAK-së”, tha Selmanaj për Telegrafin.

Aleanca për Ardhmërinë e Kosovës u radhit në vendin e katërt në zgjedhjet e 14 shkurtit duke marr 7.57 për qind të votave.

Selmanaj në zgjedhjet e 14 shkurtit ishte kandidat për deputetë nga lista e AAK-së.

Edhe më parë Selmanaj ka bartur funksione të larta duke qenë kryetar i Deçanit dhe deputet i Kuvendit të Kosovës.