Presidenti i UFC-së, Dana White, ka konfirmuar se meçi i tretë mes Dustin Poirier dhe Conor McGregor do të zhvillohet më 10 korrik në Las Vegas ashtu siç ishte paralajmëruar, megjithëse McGregor kërcënoi ditë më parë se trilogjia nuk do të ndodhte.

Të mërkurën, White shkroi në Twitter se dy rivalët do të përballen në kafaz për herë të tretë brenda tre muajve, transmeton Express.

Let’s settle it in the Octagon… #UFC264: ? @DustinPoirier vs ?? @TheNotoriousMMA 3

Lexo edhe:

Ancelotti e përzgjedh ndihmësin e tij te Brazili

FSHF-ja përgënjeshtron raportimet se tifozët nga Kosova janë përjashtuar prej ndeshjes Shqipëri-Serbi

Barcelona do ta përdorë “fshesën” gjatë verës, priten plot largime

Pre-register for tickets: https://t.co/Hy57WJ5MQ3 pic.twitter.com/6VwrQbmqRx

— UFC (@ufc) April 14, 2021

Meçi UFC 264 mes Poirier dhe McGregor do të zhvillohet para 20.000 tifozëve në T-Mobile Arena.

Të hënën, McGregor tronditi kur tha se e kishte anuluar meçin dhe se do ta gjente një kundërshtar tjetër për luftën e 10 korrikut.

Por vetëm dy ditë më vonë, ai e shpërndau njoftimin e White, që nënkupton edhe pajtimin e tij për trilogjinë me Poirier.

Luftëtari irlandez, kampion bote në dy divizioneve të peshave të ndryshme, u rikthye nga pensionimi në janar kur pësoi humbje tronditëse nga Poirier.

McGregor e kishte fituar luftën e parë kundër amerikanit brenda vetëm 106 sekondave në shtator të vitit 2014.