Policia e Kosovës sot ka arrestuar 23-vjeçarin me inicialet A.O., i cili dyshohet për përfshirje në veprat penale “Lëndim i rëndë trupor” dhe “Sulm”.

Siç njofton Policia, identifikimi dhe arrestimi i 23-vjeçarit është bërë pas një punë hetimore që lidhet me një rast që ka ndodhur më 9 prill në Mitrovicë, si pasojë e të cilit është lënduar një person, i cili është ende duke u trajtuar në QKUK.