Ish-ministri i Shëndetësisë, njëherësh deputet i Kuvendit nga radhët LDK-së, Armend Zemaj, ka folur për masat anti-Covid të vendosura nga Qeveria e Kosovës.

Zemaj përmes një postimi në Facebook, ka thënë se këto masa janë politike, pa konsultim e pa asnjë strategji të uljes së numrit të të infektuarve.

“Të ndikuar nga popullizmi i jashtëm e fushatat e Facebook-ut menaxhimi pa motiv e përkushtim me mbikëqyrje selektive, do ta rikthej vendin pas një viti të mundimshëm të menaxhimit të pandemisë, në krizë të ashpër shëndetësore”, shkroi ai në Facebook.

“Derisa po e shqyejnë gurmazin në fushata zgjedhore jashtë shtetit, Qeverisë për situatën shëndetësore në vend, asnjë fjalë nuk i shpëton nga goja.

Lexojeni e zbatojeni së paku Manualin për mbrojtjen dhe përhapjen e virusit Covid 19”, tha ai ndër të tjera.