Opinioni publik italian është shokuar me shfaqjen e një video, ku shihet dhuna që ushtrohet ndaj të burgosurve në burgun Santa Maria Capua Vetere në periferi të Napolit.

Pamjet e kamerave të sigurisë, shfaqin sulmin e organizuar mbi të burgosurit gjatë 20 prillit të vitit të kaluar, transmeton Telegrafi.

Gjithçka ndodhi pas vetëm një ditë më herët, të burgosurit kishin kërkuar t’u bëhen teste kundër COVID-19 dhe t’ju japin maska mbrojtëse.

Në video shihen gardianët duke rrahur brutalisht të burgosurit – duke mos kursyer as edhe një pjesë të trupit. Shumë prej tyre detyroheshin të qëndrojnë lakuriq dhe të gjunjëzuar.

E në disa mesazhe që i kanë shkëmbyer punonjësit e burgut, thuhet “do t’i vrasim si viçat”.

Në anën tjetër, zyra e prokurorit në Santa Maria Capua Vetere ka filluar hetimet dhe deri më tani 52 policë janë duke u hetuar për këtë veprim që shokoi opinionin.21 tjerë janë nën arrest shtëpiak, kurse 23 janë larguar nga puna.