Drejtori i Agjencisë Kosovare për Inteligjencë, Petrit Ajeti po raporton para deputetëve në Komisionin për mbikëqyrjen e AKI-së në lidhje me gjendjen e krijuar nga helmimi në komunën e Deçanit.
Raportimi i tij po bëhet pa praninë e medieve.
Deçani është përballur me një gjendje të jashtëzakonshme ditët e fundit, ku mbi 1 mijë e 500 persona kanë kërkuar ndihmë në Qendrat e Mjekësisë pasi dyshohet se janë helmuar.
Ndërkohë, Prokuroria Themelore në Pejë ka nisur hetimet në lidhje me rastet e helmimeve në Deçan, me ç’rast ka lëshuar edhe një urdhër për intervistim të disa personave.
Shkodran Nikqi, zëdhënës i Prokurorisë Themelore në Pejë, ka thënë se Kryeprokurori i kësaj prokurorie ka caktuar dy prokurorë për këtë çështje.