Gjatë orëve të pasdites së sotme pritjet në pikat kufitare të Kosovës janë më pak të ngarkuara.

Në pikën kufitare Merdare nuk ka kolonë sipas të dhënave të Ministrisë së Brendshme të Kosovës nga ora 17.42, dhe për të kaluar kufirin duhet pritur 5 deri 10 minuta.

Radhë për pritje ka në pikën tjetër kufitare te Dheu i Bardhë, ku është formuar kolona deri në 60 metra e gjatë dhe pritjet janë 15 deri 20 minuta.

Edhe në Vërmicë ka kolonë prej 100 metra dhe pritjet janë po ashtu 15 deri 20 minuta.