Ministri i Shëndetësisë, Arben Vitia në një konferencë për media ka treguar se cilat do të jenë masat e reja kufizuese pas rritjes enorme të numrit të të infektaurve me Covid-19.

“Prandaj ekspertët e fushës, ne qysh neser do t’i propozojmë qeverisë marrjen e masave: mbylljen për një kohë të klubeve të natës, reduktimin e orarit të gastronomisë, derisa do propozojmë një zgjidhje edhe rreth dasmave, me shumë kufizime të reja për shkak të rezervimeve të mëhershme që i kanë bërë qytetarët tanë”, ka thënë shkurtimisht Vitia.

Vitia tha se këto masa do të vlejnë deri më datën 1 shtator.

I pari i shëndestësisë gjithashtu u bëri thirrje qytetarëve që vaksinohen.

Kujtojmë që vetëm gjatë 24 orëve të fundit janë shënuar 1 mijë e 765 raste të reja. /Reporteri.net