Me rritjen e numrit të rasteve të reja me coronavirus në vend, Policia e Kosovës ka  intensifikuar masat duke shtuar kontrollet në rrugë në mjete transporti si taksi e autobus, sheshe e zona ku ka frekuentim të qytetarëve si dhe në lokalet e ndryshme të gastronomisë.

Gazeta Online ‘Reporteri.net’ ka siguruar pamje nga aksioni i Policisë sot në rrugën ‘UÇK’ në kryeqytet, ku shihet se kanë ndaluar një autobus për të parë nëse udhëtarët janë të pajisur me maska mbrojtëse.

Për mosrespektim të masave anti-COVID, në përputhje me autorizimet, Policia po ndërmerr masa ndëshkuese për shkelësit e ligjit.

Kujtojmë se gjoba për mosbartje të maskës është 35 euro. /Reporteri.net