Kryetari i Komunës së Gjilanit, Lutfi Haziri ka folur pas publikimit të listës së borxheve të komunave nga ministri i Financave, Hekuran Murati, e ku komuna e Gjilanit është renditur e para me më shumë se 10 milionë euro borxh.

Haziri në emisionin ‘Pressing’ në T7 tha se kjo është bërë për zhvendosje të debatit nga komuna e Mitrovicës në komunën e Gjilanit.

Ai shtoi se këto borxhe nuk janë borxhe të këqija, nuk janë kredi por i takojnë kategorisë së borxheve kontingjente.

“Zhvendosje e debatit prej Mitrovicës në Gjilan, ajo është publike, lista është periodike, n% raportimet buxhetori të shtetit çdo 3 muaj pasqyrohet gjendja reale, Ka pagesa që realizohen dhe ka prej kategorisë së borxheve kontingjente,. Nuk ka të bëj me kredi, nuk ka të bëj me marrje të huas apo me borxhe të këqija”, tha Haziri,.

Ai madje tregoi se këtë shifër e ka rënduar qarkorja e Gjilanit.

“Këtë shifër e ka rënduar qarkorja e Gjilanit që ka filluar me ndërtu që nga 1995, ndërsa pas luftës pas procedurë të shpronësimit është asfaltu nga forcat KFOR. Unë kam servisu një numër të madh të obligimeve, ku mesatarisht çdo vit janë pagu nga 800 mijë euro dhe do të vazhdojë të servisohet obligimet”, tha Haziri.

Ditë më parë në media u publikua se Thesari i Shteti ia ka bllokuar Komunës së Mitrovicës të gjitha shpenzimet dhe pagesat pasi ka rreth 1.3 milionë euro borxhe.